स्पाय- महिला गुप्तहेर

गुप्तहेर म्हंटले कि डोळ्यासमोर उभा राहतो तो जेम्स बॉण्ड. देखणा, रुबाबदार, धडाडी असलेला, बायकांच्या अवतीभवती वावरणारा एक वेगळेच व्यक्तिमत्व असेलेला. पण महिला गुप्तहेर कशी असू शकेल याचा काही अंदाज च आपल्याला लावता येत नाही. स्पाय हा सिनेमा अश्याच एका महिला गुप्तहेराची कथा आहे. गुप्तहेर म्हणजे चपळ, प्रसंगावधानी असावा असा आपला समाज असतो. पण या सिनेमात हि महिला गुप्तहेर चपळ आहे प्रसंगावधानी आहे पण ती आहे एक गुबगुबीत दिसणारी प्रथमदर्शनी निरुपद्रवी वाटणारी महिला. जी कुठे तरी ऑफिस मध्ये काम करत असावी असे वाटते. आणि अचानक आपल्या समोर येते ती गोलमटोल पण चपळ, बावळट वाटणारी पण प्रत्येक्षात हुशार आणि प्रसंगावधानी, गुप्तहेर या शब्दामागचे सगळे पूर्वग्रह या नटी ने पुसून टाकले आहेत. तिच्या करामती बघून असे वाटते कि गुप्तहेर म्हणजे एक वेगळेच रसायन असावे.