पिंपळ पान

आज अचानक अडगळीत
सापडले एक पुस्तक छान
उघडून जेव्हा पहिले मी
त्यात निघाले पिंपळपान
आखीवरेखीव कोरलेले
जाळीदार नक्षीकाम
अलवार आपुल्या प्रीतीची
एक निरागस आठवण छान

------- अंजली गोखले 

यामिनी

तू गेलास
तुझ्यासोबत
सूर माझे घेऊन गेलास
माझ्या मस्त जगण्याचा
नूर हि हरवून गेला
एकटी राहिली
आता तुझी यामिनी
तुझा राग पाहते
मी उदास होऊनि

वासंती

वासंती तू फुलवंती
माझी प्रिया तू गुणवंती
गोरी गोरी पान तू
फुलासारखी छान तू
मज सखी तू प्रेरणा
मी अधुरा तुझ्याविना