द सेव्हन्थ सीक्रेट - आयर्विंग वॅलेस - अनुवाद - विजय देवधर

आधुनिक इतिहास  विषयाचे प्राध्यापक असलेल्या डॉ हॅरिसन ऐशक्राफ्ट यांना एकाच गोष्टीने झपाटून टाकले होते आणि ते म्हणजे  जर्मन हुकूमशहा एडॉल्फ हिटलर याचे  चरित्र "हेर हिटलर ".
 हेर हिटलर चे काम करत असताना त्यांना एक अनपेक्षित पत्र येते आणि त्यांच्या आयुष्याला एक निराळेच वळण लागते. त्यांना मिळालेली माहिती तपासून पाहण्यासाठी ते जर्मनीत दाखल होतात.
  आणि त्यांचा अपघात होतो. त्यांची मुलगी एमिली ऐशक्राफ्ट हे पुस्तकाचे काम करण्यासाठी आणि त्या संदर्भात शोध घेण्यासाठी जर्मनी  ला जायचे ठरवते. तिला हि एक पत्र येते. त्यात तिच्या वडिलांचा अपघात झाला नसून खून झाला असण्याची शक्यता वर्तवली जाते.
   असे असून हि ती जर्मनीला जाण्याचे ठरवते. तिच्या या प्रवासात तिला रेक्स फॉस्टर हा आर्किटेक्ट,निकोलस किरवोव हा कलासंग्रहाचा व्यवस्थापक, पीटर निट्झ हा पत्रकार,तोवाह हि मोसाद ची एजन्ट हे  विविध टप्प्यावर भेटतात. आणि मग सुरु होतो एक थरारक प्रवास ज्यात त्यांची गाठ असते "नाझी सर्वश्रेष्ठ आहेत असे वाटणाऱ्या लोकांशी". त्यांना हुलकावणी देत रेक्स फॉस्टर आणि एमिली  पोचतात एका गूढ ठिकाणी जिथे त्यांची गाठ पडते एका अश्या स्त्री शी जी काळाच्या पडद्यावर केव्हाच नाहीशी झाली आहे. तिच्या  भविष्यातील विचित्र  योजना ऐकून त्यांचा थरकाप उडतो.  आणि मग सुरु होते त्यांची तिथून सुटण्याची धडपड

अतिशय चित्तथरारक आणि मनाची पकड घेणारी कादंबरी.  वेगवेगळे व्यावसायिक आणि त्यांची एकमेकांत गुंतलेली आयुष्ये एक वेगळीच खुमारी आणतात.  हिटलर आणि इवा ब्राऊन यांचे काय झाले हे गूढ उकलण्याचा एक वेगळाच प्रयत्न.